تاجیکستان ۲۵۰ خانواده مهاجر افغان را صبح روز سهشنبه به ولایت قندوز افغانستان اخراج کرده است. پناهجویان میگویند که خانهها و کارشان در تاجیکستان جا مانده و فرصت جمعآوری اموال خود را نداشتند.
به گفته منابع، حکومت تاجیکستان این پناهجویان افغان را صبح روز سهشنبه، ۱۵ ثور به ولایت قندوز افغانستان اخراج کرده است. یکی از پناهجویان اخراجشده گفت: «همه چیز همانجا باقی ماند.»
پیشتر وزارت داخله تاجیکستان در بیانیهای اعلام کرد که یک پناهجوی ۲۲ ساله افغان را به اتهام قتل یک زن ۲۷ ساله تاجیک در اواخر ماه اپریل بازداشت کرده است.
در این اعلامیه آمده بود که این مرد افغان بهگونه غیرقانونی در روستای دهنموی ولسوالی جبار رسولوف شهر خجند زندگی میکرد و این زن را با ضربات چاقوی آشپزخانه به قتل رسانده است.
پیشتر شماری از افغانها در شهرهای خجند و دوشنبه گفته بودند که پس از این رویداد، اداره خجند حدود ۲۵۰ خانواده افغان را به یک کمپ در دوشنبه منتقل کرده است.
گزارش شده است که این خانوادهها به دلیل مشکلات سیاسی با طالبان و ترس از انتقامگیری به تاجیکستان پناه برده بودند.
منابع میگویند متهم افغان ادعا میکند که با همکاری چند نفر دیگر قربانی را به قتل رسانده است؛ اما وزارت داخله تاجیکستان درباره دخالت یا بازداشت افراد دیگر در این رویداد اظهار نظری نکرده است.
