نشست سالانه نوروز با حضور شماری از شاعران و چهرههای فرهنگی افغانستان، ایران و تاجیکستان در شهر دوشنبه برگزار شده است.
در این نشست که روز پنجشنبه، ۲۸ حوت، برگزار شده است، شماری از شاعران افغانستان از جمله لطیف ناظمی، تانیا عاکفی و مژگان ساغر، همراه با چهرههای دیگر فرهنگی حضور دارند.
همچنان، تعدادی از شاعران و فرهنگیان از ایران نیز در این برنامه اشتراک کردهاند.
در کنار این، داکتر نجیبالله مسیر، معاون صدارت سابق افغانستان و فیاضالدین غیاثی، دیپلمات پیشین کشور نیز در این نشست حضور یافتهاند.
این نشست با سخنرانی افتتاحیه قابلجان خوشوقتزاده، رییس آکادمی ملی علوم تاجیکستان آغاز شده است.
همچنان، پروفسور مسرو عبدالله، مشاور ارشد دستیار رییسجمهوری تاجیکستان و عبداللهزاده ابراهیم، معاون رییس جمعیت دوستی و روابط فرهنگی تاجیکستان با کشورهای خارجی، سخنرانیهای تبریکاتی ایراد کردهاند.
گفتنی است که این نشست همهساله برگزار میشود و از سال ۲۰۱۵ میلادی، پس از دستور امامعلی رحمان، رییسجمهور تاجیکستان، در زمینه پژوهش تاریخ و تمدن آریایی و ایجاد مرکز بینالمللی نوروز، آغاز شده است.
