امامعلی رحمان، رئیس‌جمهور تاجیکستان، در سومین کنفرانس کشورهای مستقل مشترک‌المنافع درباره مبارزه با تروریسم و افراط‌گرایی در دوشنبه، بر اهمیت ثبات در افغانستان به عنوان عاملی کلیدی برای امنیت تاجیکستان و کل منطقه تأکید کرد. متن سخنرانی او توسط یوسف رحمان، دبیر شورای امنیت ملی تاجیکستان، قرائت شد.
وی هشدار داد که پرورش نظریه‌های تروریستی در امتداد مرزهای کشورهای عضو CIS نگران‌کننده است و بر اجرای اقدامات مشترک و همکاری نزدیک‌تر سازمان‌های استخباراتی برای مقابله با گسترش ایدئولوژی تروریستی در منطقه تأکید کرد. رحمان همچنین رشد قاچاق مواد مخدر، به ویژه مواد مصنوعی، را تهدیدی برای تامین مالی گروه‌های تروریستی دانست.
اظهارات رئیس‌جمهور تاجیکستان همزمان با سفر هیئتی از طالبان به دوشنبه مطرح شد. یوسف وفا، والی طالبان در بلخ، روز یکم عقرب با مقام‌های تاجیکستان دیدار و درباره مسائل امنیتی گفت‌وگو کرد. این دیدارها در چارچوب تلاش برای تقویت همکاری‌های منطقه‌ای برگزار شد.
