سازمان پیمان امنیت جمعی، فهرست سلاح‌ها و تجهیزات نظامی برای نیروهای تاجیکستان در مرز با افغانستان را مورد بازنگری و اصلاح قرار داده است.
بر اساس بیانیه این سازمان، روز جمعه نشستی در دارالإنشاء این سازمان به منظور تقویت امنیت مرز میان تاجیکستان و افغانستان برگزار شد. در این نشست، نمایندگان تاجیکستان که به‌عنوان هماهنگ‌کننده برنامه عمل می‌کنند، گزارشی از پیشرفت اجرای مرحله نخست برنامه ارائه دادند.
حاضران در این نشست، فهرست سلاح‌ها، تجهیزات نظامی و وسایل تخنیکی حفاظت مرزی را بر اساس ظرفیت کشورهای عضو و نیازهای عملیاتی تاجیکستان بازبینی و تنظیم کردند. این اقدام در شرایطی انجام می‌شود که نگرانی‌ها در میان کشورهای منطقه نسبت به احتمال نفوذ گروه‌های شبه‌نظامی، از جمله طالبان، از افغانستان به تاجیکستان افزایش یافته است.
