دولت تاجیکستان به هزاران پناهجوی افغانستانی، حتی کسانی که اسناد قانونی اقامت دارند، تنها ۱۵ روز مهلت داده تا خاک این کشور را ترک کنند. به گزارش منابع خبری، کارزار بازداشت و اخراج اجباری این پناهجویان آغاز شده و بسیاری بدون اطلاع قبلی یا روند قانونی، به افغانستان بازگردانده شده‌اند.
در حال حاضر بیش از ۱۳ هزار افغان در تاجیکستان زندگی می‌کنند که شمار زیادی از آن‌ها در انتظار اسکان مجدد در کشورهایی چون کانادا هستند. این اقدام می‌تواند جان افراد در معرض خطر، از جمله کارمندان پیشین حکومت افغانستان را تهدید کند. بازداشت‌ها عمدتاً در مناطق «شهر وحدت» و «ولسوالی رودکی» در دوشنبه صورت گرفته است.
