چین از جامعه جهانی خواسته است تا تعامل با امارت اسلامی افغانستان و گسترش همکاری‌های اقتصادی و کمک‌های بشردوستانه با کابل را حفظ کند.
فو کونگ، نماینده دایمی چین روز دوشنبه در سازمان ملل متحد با اشاره به پیشرفت‌های دیپلوماتیک امارت اسلامی گفت، که در سال گذشته چندین کشور با دولت افغانستان مذاکره و همکاری کرده‌اند.
فوکونگ از امریکا و اروپا که باعث مشکلات اقتصادی افغانستان شده است، خواست بدون ملاحظات سیاسی به کمک‌های خود به افغان‌ها ادامه دهند.
چین در شرایطی بر تعامل با حکومت کنونی افغانستان تاکید نموده که امیرخان متقی، سرپرست وزارت امور خارجه به منظور تقویت روابط سیاسی، اقتصادی و تجاری کشور به عمان سفر کرده است.
