معاون اداری دولت سرپرست افغانستان در دیدار با نخست‌وزیر اوزبیکستان گفت: امارت اسلامی زمینه‌ی هر گونه سرمایهگذاری و تجارت را در افغانستان مهیا کرده استرگ دولت سرپرست افغانستان شنبه‌شب۲۷ اسد، در خبرنامه‌ی از دیدار مولوی عبدالسلام حنفی معاون اداری دولت سرپرست با عبدالله عارف‌اوف نخست‌وزیر اوزبیکستان در کابل خبر داد.
عبدالله عارف‌اوف نخست‌وزیر اوزبیکستان از تعلقات دینی، فرهنگی و تاریخی کشورش با افغانستان یاد کرد و گفت: روابط این دو کشور در حال حاضر نیز در بهترین حالت و مبتنی بر احترام و تعامل متقابل قرار دارد و دولت و ملت اوزبیکستان خواهان گسترش و استحکام هرچه بیشتر روابط با امارت اسلامی در عرصه‌های مختلف می‌باشد.
نخست‌وزیر اوزبیکستان افزود: دولت، تاجران و سرمایه‌گذاران این کشور علاقه‌مند هستند تا در بخش‌های خط آهن، استخراج معادن، زراعت، انرژی و تجارت در افغانستان سرمایهگذاری نمایند.
