وزارت صنعت و تجارت می‌گوید که در ۷ ماه پسین به ارزش ۳۰ میلیون دلار امریکایی میان افغانستان و تاجیکستان داد و ستد بازرگانی صورت گرفته است.
آخندزاده عبدالسلام جواد سخنگوی این وزارت می‌گوید که از این میان افغانستان ۸ میلیون دلار به تاجیکستان صادرات داشته و ۲۲ میلیون دلار نیز واردات کرده است.
سخنگوی وزارت صنعت و تجارت گفت: «تجارت افغانستان با کشور تاجیکستان در ۷ ماه سال ۲۰۲۴ میلادی، در حدود ۳۰ میلیون دلار بوده که ۸ میلیون دلار صادرات و ۲۲ میلیون دیگر واردات است. اقلام عمده‌ی صادرات افغانستان به تاجیکستان، گوجه، خیار، زیره‌ی سیاه، سیب زمینی، سیب، بادام و انار است و اقلام وارداتی افغانستان از تاجیکستان، سمنت، تخم‌مرغ، ماشین تیز رفتار، روغن آفتاب‌گردان، بنزین پترول و وسایل ماشین است.»
به تازگی دولت تاجیکستان تصمیم گرفته که راه‌آهن کشورش را تا مرز افغانستان امتداد بدهد.
